【霸王硬上弓】尼馬失控 死纏般娜好恐怖-游游國際熱點資訊

【霸王硬上弓】尼馬失控 死纏般娜好恐怖

作者:Eleanor    發表日期:2017-07-01 13:10:02

分手亦是朋友?巴西球星尼馬上星期公開宣布同女友般娜分手(Bruna),仲講到好大方話會永遠深愛對手。不過巴西傳媒爆料,尼馬同般娜呢段愛恨交纏嘅關係原來錯綜複雜,據後兩人今次之所以分手,係因為般娜移情別戀,同一位著名靚仔攝影師有路。日前尼馬同般娜喺一個Party入面尷尬巧遇,呢位巴塞隆拿球星突然「痴漢」上身,同般娜擁抱嗰陣疑似有唔規矩動作,搞到般娜露出非常痛苦同反感表情!

據報個Party係喺里約熱內盧一間夜店內舉行,尼馬同般娜最初各自各玩,根本唔知到Ex同場,當兩人撞到後場面尷尬,目擊者指尼馬主動同般娜咬耳仔,期間兩人友誼式擁抱嗰陣,唔知尼馬係咪肉緊得滯,搞到般娜面有難色,不過之後兩人都和平相處。有大批般娜粉絲就睇唔過眼,網上炮轟尼馬行為可恥:「尼馬咁樣對般娜實在屎都不如,般娜值得有一個真正愛佢嘅男人。」不過有尼馬球迷就辯護,話只有佢2個先知道當時發生乜事,叫其他人唔好亂估喎!

有巴西媒體爆料,今次分手真正原因,好可能係般娜已經另結新歡,消息指般娜搭上型男攝影影師比圖,兩人係2014年曾經有過一段霧水戀情,但最近佢哋經常見面,喺尼馬公開宣布同般娜分手前一日,般娜就被發現同比圖一齊出席Party,呢段三角戀都唔知點收科!

東網體育同你追實體壇每個精彩時刻!
http://bit.ly/2ecTF2A 


本文來源:http://hk.on.cc/hk/bkn/cnt/sport/20170701/bkn-20170701120014241-0701_00882_001.html




Tag:
本文鏈接:http://www.german-wines-ltd.com/17271.html