的士撞欄 乘客拍片嘲諷:等你寸我又嫌路程近-游游國際熱點資訊

的士撞欄 乘客拍片嘲諷:等你寸我又嫌路程近

作者:Lydia    發表日期:2017-10-06 03:05:01

近日多個Facebook交通群組流傳了一段短片,片中一輛的士失事撞欄,上載影片者以「天理循環、因果報應」作標題,火藥味極濃!

片段一開始,就見到有部的士輕微衝上了路邊,車轆壓着一個鐵欄,的士車尾亦見凹陷,發貼者指自己是該輛的士的乘客。的士撞欄後他下了車,再在旁邊不停以「踩多腳」的語氣與司機對話:「嘩,公物來㗎,你唔使望呀,你自己架車都爛晒,你諗住走呀,你唔係吓嘛」。

面對無情的嘲諷,的士司機也拋下了一句:「你放我一馬啦,我車你入來…」豈料此句一出竟為事件火上加油,拍片者立即大爆:「因為你頭先寸我囉,又嫌遠又嫌近,你依家自食其果啦」。

不少網民表示支持發貼者,更留言數盡其他的士司機惡行:「啲司機見短程或塞車,成日用無線電同行家呻,句句有骨」、「試過坐短程畀司機嫌,揸到勁chok(窒)」。

不過亦有網民批評發貼者存報復心態:「現在係因為佢串(寸)完你,你冇地方發洩只係識拍片,呢d(啲)係烏龜行為」、「就算你幾憎的士佬,報警咪報警囉,又拍片又兇人又公審,無非都係搵啲憎的士佬嘅人支持你,認同你」。

大家不妨睇睇條片,睇吓理在何方?
---------------
《港呢啲》:大事小事騎呢事,東網電視嚴謹選題,輕鬆製作!


本文来源:http://hk.on.cc/hk/bkn/cnt/news/20171005/bkn-20171005135844442-1005_00822_001.html




Tag:
本文鏈接:http://www.german-wines-ltd.com/28992.html