每日一片:偷貼士唔偷收銀機 四眼賊30秒得手-游游國際熱點資訊

每日一片:偷貼士唔偷收銀機 四眼賊30秒得手

作者:amantha    發表日期:2017-10-08 03:07:01

打工仔底薪唔高,都希望以佣金或貼士幫補。不過一間餐廳「貼士箱」內的散紙貼士,卻在職員出糧日未正式營業前,被一名擅闖的四眼男只用30秒便偷走,職員滿心歡喜以為可以攤分貼士,最終卻要將四眼男偷竊的CCTV片放上網,希望借助網絡力量全城緝兇。

片段昨日 (6日)被上載到「巴打絲打 Facebook Club」群組。影片所見偷竊事件約發生於上午十時許,當時該餐廳尚未打開門做生意,店面空無一人。一名穿黑衣的四眼男由大門直入店內櫃面,純熟地打開枱上供客人畀小費的「貼士箱」,將入面的紙鈔袋進褲袋後就離開。

由於貼士箱沒有上鎖,整過過程不消30秒便完成。職員事後翻查CCTV發現,並將片段上網希望捉拿小偷:「全城緝兇,原本全部同事都開開心心,今日出糧分貼士,就係呢條友仔…偷晒同事D貼士,麻煩各位巴打絲打幫忙找到此人!」

不少網友都就偷竊案作出檢討,認為小偷非常熟手事有蹺蹊,「其實有無諗過,點解佢會知嗰個位有錢攞,好似好熟手咁,會唔會同自己人有關呢?」有人又指,當時店面無人又無做好防盜措施,才令小偷有機可乘。





本文来源:http://hk.on.cc/hk/bkn/cnt/news/20171007/bkn-20171007163710990-1007_00822_001.html




Tag:
本文鏈接:http://www.german-wines-ltd.com/29193.html