今日係...... 愚人節-游游國際熱點資訊

今日係...... 愚人節

作者:ANASTASIA    發表日期:2018-09-30 02:26:17

今日係4月1日,亦即係愚人節,呢個節日雖然人所共知,但係就未被任何國家認定為法定節日。雖然係咁,大家都會喺呢一日當中,抱住歡欣嘅態度肆意製造惡作劇及謊言,整蠱他人作樂一番,不過整蠱大多數都並非出於惡意,被玩弄者都唔會同他人反目成仇。而愚人節據聞係十九世紀開始喺西方興起,至於來歷大致上分為三個說法:

說法一:於1565年,法國國王查理九世頒佈法令改變了過去以4月1日為新年的傳統,改以1月1日為一年嘅開端。不過,一啲守舊派就反對呢次改革,依舊喺新曆4月1日送新年禮,慶祝新年。至於支持新年改革嘅人就藉此對守舊派嘲弄一番,喺當天送假禮物畀守舊派,仲邀請佢哋出席假聚會。

說法二:不列顛百科全書記載,「愚人節」乃係公元十五世紀革命之後始出現嘅一個專門畀人們說謊嘅節日。當時西班牙國王腓力二世曾經建立一個「異端裁判所」,只要唔係天主教徒就會被視為異端,於每年4月1日處以死刑。臣民們感到非常恐怖,於是當天就以說謊取笑為樂,沖淡對統治者的恐懼與憎恨,久而久之演變成今日嘅「愚人節」。

說法三:據古羅馬殘籍記載,羅馬喺每年4月初舉行「蔓姜會」,某年「蔓姜會」當中,主宰之神雪麗絲之女白洛賽蘋娜喺極樂園採摘水仙花時,遇見冥府王菩拉多,兩人一見鍾情,互相示愛,菩拉多便娶白洛賽蘋娜為冥府王后,當佢哋兩個返回地府時,菩拉多差使地府中之鬼怪發出嗤嗤之笑聲,以對雪麗絲愚弄一番。而雪麗絲果然被愚弄,她仲循着聲音的來源尋覓。因此,人們就以每年之「蔓姜會」為「愚人節」。

嚟到今時今日,愚人節大家除咗以惡作劇整蠱人之外,仲出現咗好多網絡流言及似是而非嘅古怪「新發明」以博大家一笑,一齊嚟回味一下2016年愚人節嘅「偉大發明」:

1. 離地黏合劑
家陣大家都想貼地,但係卻有人想離地高飛遠走,呢種離地黏合劑就啱佢哋用喇!只要塗上腳板就可以好似悟空、比達咁識得舞空術飛上天。而離地黏合劑分為紅、藍兩個版本,想即刻飛走可以用藍色,想飛慢啲就用紅色。

2. 說話的冬甩
一個人食炸冬甩好悶咩?唔緊要!呢種新發明嘅冬甩絕對可以令大家生活得多姿多采,因為呢種冬甩識得講嘢嘅!而且仲有三種口味、三款說話口氣畀大家選擇!識講嘢嘅冬甩都幾嚇人喎!定價仲嚇人呀!因為每個要1,072萬日圓!

3. 即時天氣系統
想知道英國今日嘅天氣到底係點?呢個安裝喺車廂當中嘅「UKWEATHER PACKAGE」系統就幫到大家喇!只要用家一開着系統,車廂入面就會出現英國當時嘅天氣,陽光普照當然係好,但係風吹雨打、刮大風一樣會真實重現於車廂之內...


本文來源:http://hk.on.cc/hk/bkn/cnt/lifestyle/20170401/bkn-20170401080039219-0401_00982_001.html




Tag:
本文鏈接:http://www.german-wines-ltd.com/5331.html