英超 寸王韋比攜手撐:紅魔含冤失分-游游國際熱點資訊

英超 寸王韋比攜手撐:紅魔含冤失分

作者:Madison    發表日期:2017-04-05 09:02:01

即上英超刨績王:http://win.on.cc/epl 

冤枉呀包大人!唔係,係球證大人呀!英超曼聯今晨喺主場打和愛華頓,比賽途中,「紅魔鬼」曾經有射手伊巴謙莫域食詐胡,近門頭槌入波被判越位在先。不過,如果睇番重播片段,「呂布」喺隊友傳中一刻,其同愛華頓防線最後一人幾乎平排,究竟係咪越位真係有排拗呀!賽後曼聯領隊莫連奴就話,假如依家有錄像球證,佢哋就可以贏埋2比1都得!至於被喻為「紅魔御用球證」嘅韋比,就話疑點利益應該歸於攻方,即係都撐曼聯囉!

其實事件主角伊巴謙莫域賽後就話,自己都睇唔清楚有冇越位,但當時佢覺得個波應該係合法,只係唔敢肯定咁講!至於「寸王」就強調自己唔係批評球證或旁證,只係認為話個波咁難判,如果有錄像球證出現,就會幫到所有人,當然包括幫到球證同旁證咁話。佢仲話如果曼聯呢球判咗入波,最後「紅魔鬼」仲會贏埋2比1,大佬,你講晒啦,有咗第1球,仲有冇第2球?真係邊個知!

至於前英超球證韋比就用佢「專業」意見分析,話因為你可以用頭同身體入波,如果你個身係傾斜出嚟,都有可能判越位,但同時佢話如果情況太接近,疑點利應該歸於進攻一方喎,即係個波應該計入啦!依家我哋《東網》就畀大家睇吓傳球一刻張相,等大家一齊做球證做判決,呢球係咪真係冤案先?

東網體育同你追實體壇每個精彩時刻! 
http://bit.ly/2ecTF2A 


本文来源:http://hk.on.cc/hk/bkn/cnt/sport/20170405/bkn-20170405082332305-0405_00882_001.html




Tag:
本文鏈接:http://www.german-wines-ltd.com/5820.html